Finance in Marathi: आजच्या काळात झटपट समाधान मिळवणं खूप सोपं झालं आहे. नवीन मोबाईल, लेटेस्ट कार, बाहेर फिरणे, चमचमीत जेवण – या सगळ्यांची आकर्षणं टाळणं खूप अवघड वाटतं. पण हे सगळं आज टाळणे जितकं कठीण वाटतं, त्याहून कठीण आहे म्हातारपणीही काम करत राहणं. म्हणूनच – तुमचा कठीण मार्ग निवडा.
आज थोडं वाचवा, उद्या सुखाने जगा
आर्थिक स्वातंत्र्य म्हणजे अचानक श्रीमंत होणं नाही. ते म्हणजे शहाणपणाने घेतलेले निर्णय. आज तुम्ही अनावश्यक खर्च टाळून जर गुंतवणूक केली, तर उद्याचं आयुष्य नक्कीच सुरक्षित होईल.
- आजचा ₹50,000 मोबाईल न घेता ते पैसे गुंतवले तर त्याचा चांगला फायदा होवू शकतो. (मोबाइल घ्या पण गुंतवणूक लक्षात घेऊन)
- वारंवार नवीन कपडे अपग्रेड करण्याऐवजी जुने वापरल्यास लाखोंचा बचाव होतो.
- बाहेर जेवण कमी केल्यास आपत्कालीन निधी (Emergency Fund) किंवा SIP सुरू होऊ शकते.
लवकर गुंतवणुकीचे फायदे
गुंतवणूक लवकर सुरू केली, तर चक्रवाढ व्याज (Compounding) तुमच्यासाठी काम करतं. रोज थोडं थोडं गुंतवलं, तरी ते भविष्यात मोठी रक्कम बनते.
उदाहरण: 25व्या वर्षी ₹5,000 मासिक SIP सुरू केली आणि 13% परतावा मिळाला, तर 50 व्या वर्षी तुमच्याकडे ₹1.6 कोटी असू शकतात. 35व्या वर्षीच सुरू केल्यास तीच रक्कम फक्त ₹27 लाख होते. (आणि हो आपण इथे ५० रिटायरमेंटच वय घेतल आहे. कोण करेल ६० पर्यन्त काम. म्हणून आपल्याला ५० च्या हिशोबाने प्लॅनिंग करायची आहे)
आजचा आराम VS उद्याचं स्वातंत्र्य
प्रत्येकालाच एक “कठीण मार्ग” निवडावा लागतो:
- आज अनावश्यक खर्च टाळणं
किंवा - म्हातारपणीसुद्धा नोकरी करत राहणं
सर्वच गोष्टी टाळाव्यात असं नाही. पण स्वतःला विचारा – आजची मजा उद्याचं ओझं बनणार नाही ना? थोडं थोडं सुरू करा, पण लगेच सुरू करा.
ही पोस्ट वाचा: Job Vs Business: नोकरी की व्यवसाय? कामाकडे पाहण्याचा एक नवा दृष्टिकोन!
