Money Management Tips in Marathi: बऱ्याच वेळा आपण असं म्हणतो – “थोडे जास्त पैसे असते तर सगळं सोप्प झालं असतं.” खरं आहे, पैसे असतील तर काही अडचणी नक्कीच कमी होतात. पण हे लक्षात घ्यायला हवं की फक्त पैसे मिळाले म्हणून सगळ्या अडचणी संपत नाहीत. आणि जर पैशाबाबतीत चुकीच्या सवयी असतील, तर त्या सवयी नवीन टेंशन निर्माण करतात. चला तर मग, ह्या गोष्टी थोडक्यात आणि सोप्या भाषेत समजून घेऊ.
फक्त पैसे असून उपयोग नाही
तुम्ही दर महिना लाख रुपये कमवत असाल, पण जर खर्च जास्त असेल, बचत नसेल, गुंतवणूक नसेल – तर महिनाअखेरीस शून्यावर याल. उलट, कुणी ₹२५,००० कमवत असताना दर महिना ₹५,००० बाजूला ठेवत असेल, तर तो जास्त स्थिर आहे. म्हणजेच – पगार किती आहे हे महत्त्वाचं नाही, सवयी कशा आहेत हे महत्त्वाचं आहे.
चुकीच्या सवयी जास्त मोठ्या अडचणी निर्माण करतात.
1) उधारीवर जगणं (EMI, क्रेडिट कार्ड):
नेहमी उधारी काढून खर्च करणे ही सवय नंतर मोठा डोकेदुखी बनते. व्याज भरताना आपण हळूहळू कर्जात अडकतो.
2) बचत नसणे:
कधीही काहीही होऊ शकतं – आजार, नोकरी जाणं, काहीतरी मोठा खर्च. जर आपल्याकडे आपत्कालीन फंड नसेल, तर मग अशा वेळेस पैसे कुठून आणायचे?
3) गुंतवणूक न करणे;
फक्त बचत केल्याने पैसे वाढत नाहीत. महागाई (Inflation) हळूहळू आपली बचत कमी करते. गुंतवणूक ही काळाची गरज आहे.
4) खर्चाचं नियोजन न करणे:
महिन्यात किती खर्च होतो, कुठे जातो – हेच माहीत नसेल, तर पैसे हातातून निघून जातात आणि कळतही नाही.
एक उदाहरण – विचार करून बघा
कोणी लॉटरी जिंकल्यामुळे एकदम श्रीमंत झालं. पण त्याने जर चुकीच्या सवयी जपल्या – भरमसाठ खर्च, उधारी – तर काही वर्षांत पुन्हा तसाच होईल. पण कुणीतरी साधं आयुष्य जगत, थोडी थोडी गुंतवणूक करत असेल, तर हळूहळू तो चांगली संपत्ती उभी करू शकतो.
मग करायचं काय?
दर महिना खर्च लिहून काढा. पगार मिळताच आधी बचत करा. ३ ते ६ महिन्यांचं आपत्कालीन फंड तयार ठेवा. SIP सारख्या सोप्या पद्धतीने गुंतवणूक सुरू करा. थोडा वेळ दर आठवड्याला आर्थिक शिक्षणासाठी काढा.
शेवटी एवढंच:
पैसे सगळ्या अडचणी मिटवतीलच असं नाही, पण जर आपल्या सवयी वाईट असतील – तर त्या नव्या अडचणी उभ्या करतात. पैशाला आपल्यासाठी काम करू द्या – सवयी चांगल्या ठेवा, मग पैसा कमी असला तरी शांतता नक्की मिळेल.
ही पोस्ट वाचा: Money Management: जीवनाचा आनंद घेताना संपत्ती कशी कमवाल?
