Mutual Fund SIP: करोडपती कस बनाल तेही फक्त 12% रिटर्नने?

Mutual Fund SIP: कोणताही व्यक्ती श्रीमंत होण्याचे स्वप्न पाहू शकतो, पण योग्य योजना आणि वेळेवर गुंतवणूक केल्यास हे स्वप्न साकार होऊ शकते. Mutual Fund SIP च्या मदतीने गुंतवणूक करणे हे एक चांगले साधन आहे जे तुम्हाला तुमचे उद्दिष्ट गाठण्यास मदत करेल. या आर्टिकलमध्ये Mutual Fund SIP चा उपयोग करून करोडपती कसे होता येईल, हे समजून घेणार आहोत.

50 लाखाची पॉवर – फक्त 12% रिटर्नने

जर तुम्ही 35 व्या वर्षी ₹50 लाख Mutual Fund SIP मध्ये गुंतवले आणि 12% वार्षिक रिटर्न मिळवला, तर तुमची संपत्ती कशी वाढेल ते पाहा:

• वय 35: ₹50,00,000
• वय 40: ₹87,35,000
• वय 45: ₹1,52,42,000
• वय 50: ₹2,69,45,000
• वय 55: ₹4,70,59,000
• वय 60: ₹8,24,13,000
• वय 65: ₹13,99,99,000

एकदाच गुंतवलेले ₹50 लाख 30 वर्षांत ₹13.99 कोटींमध्ये बदलू शकते! Mutual Fund SIP च्या माध्यमातून गुंतवणुकीची ताकद आणि चक्रवाढीची जादू हे दाखवते. आणि एक महत्वाची गोष्ट लक्षात घ्या. इथे 35 व्या वयानंतर तुम्हाला एक पैसा गुंतवायचा नाहीये. पण प्रश्न असं आहे की…

वयाच्या 35 पर्यंत Mutual Fund SIP ने 50 लाख कसे कमवायचे?

₹50 लाख जमा करणे अशक्य वाटत असेल, पण Mutual Fund SIP च्या माध्यमातून ते सोपे करता येते.

तुम्हाला 10 वर्षांत 12% वार्षिक रिटर्नसह ₹50 लाख जमा करण्यासाठी: ( आणि खर बोलू तर 12% पेक्षा जास्त रिटर्न मिळतो पण तरी आपण 12% घेतोय)

• तुम्हाला दर महिन्याला ₹21,735 Mutual Fund SIP मध्ये गुंतवावे लागतील.

पण हे करताना 20-30 वयोगटातील लोकांसाठी काही अडचणी असू शकतात:

• कमी पगार: सुरुवातीला पगार मर्यादित असतो.
• जीवनशैली खर्च: या वयात आनंद घेण्याचा मोह होतो. (आता नाही फिरणार तर कधी)
• आर्थिक जबाबदाऱ्या: लग्न, होम लोन, आणि गाडीचे लोन इ.

मग अशा परिस्थितीत करायच काय? तर यावर Step-Up SIP हा सर्वोत्तम उपाय ठरतो.

Step-Up SIP म्हणजे काय आहे?

Step-Up SIP म्हणजे तुम्ही सुरुवातीला कमी रक्कम गुंतवून नंतर ती रक्कम वाढवू शकता. हा पर्याय तुमच्या पगार वाढीशी सुसंगत असतो. म्हणजे जसा पगार वाढेल तशी तुम्ही म्यूचुअल फंड SIP ची रक्कम वाढवू शकता. अस करूनच तुमच्या उद्दिष्टांपर्यंत पोहोचणे सोपे होते.

उदाहरण:

• सुरुवातीला ₹15,000 प्रति महिना Mutual Fund SIP मध्ये गुंतवा. (15,000 पण शक्य नाही होणार तरी पुढे वाचा)
• प्रत्येक वर्षी SIP रक्कम 10% ने वाढवा.
• 10 वर्षांत तुम्ही अंदाजे ₹50,61,489 जमा करू शकता.

Step-Up SIP का आणि कशी काम करते?

1. परवडणारी योजना: कमी रक्कमेसह सुरूवात करता येते.
2. लवचिकता: तुमच्या पगारानुसार गुंतवणूक वाढवता येते.
3. चक्रवाढीची ताकद: दीर्घकालीन गुंतवणुकीत संपत्ती वाढवते.

आता काहींच्या मनात असा प्रश्न येईल की होम लोन चालू आहे. घरचा खर्च आहे. मुलांच शिक्षण पण असेल तर यामध्ये 15,000 ची SIP करणे कस शक्य आहे. हे बघा मित्रांनो आज 15,000 जमणार नाही 5,000 तर जमतील? 5,000 नाही तर 500 तर करूच शकता. फक्त एक गोष्ट लक्षात ठेवा. तुम्हाला ही रक्कम वाढवायची आहे जेव्हा शक्य होईल तेव्हा. जस तुमची कमाई वाढेल तशी. (पण हे तर झाल 20s-30s मध्ये आहेत त्यांच्यासाठी, यापेक्षा जास्त वय असेल तर काय?)

काय कराल जर तुम्ही 20s किंवा 30s मध्ये नसाल?

तुमचे वय 20-30 च्या पुढे असले तरीही Mutual Fund SIP च्या माध्यमातून श्रीमंत होण्याचा मार्ग खुला आहे. कारण जर तुम्ही 40s मध्ये असाल तर जास्त पगारामुळे तुम्ही मोठी रक्कम दरमहा गुंतवू शकता.

उदाहरणार्थ:

दरमहा ₹25,000 Mutual Fund SIP मध्ये 10 वर्षांसाठी गुंतवल्यास, 12% रिटर्नने अंदाजे ₹58,08,477 जमा होऊ शकतात. आता एकदा हे पैसे जमा झाले की हे पैसे पुढील 25 वर्षासाठी इन्वेस्ट करायचे आहेत. त्यानंतर या पैशामद्धे एकही रुपया तुम्ही टाकला नाहीत तरीही 65 व्या वयात तुम्ही ₹9,87,44,483 एवढे काही एक्स्ट्रा काम न करता कमविले असतील.

इथे पूर्णपणे तुमचा पैसा तुमच्यासाठी काम करणार आहे. हे गणित करताना तुम्ही 40s मध्ये आहात अस आपण Assume केल आहे. 40 ते 65 वय, अस करून 25 वर्षासाठी आपण हे गणित केल आहे.

आता महत्वाचा मुद्दा असा की, तुम्ही पहिले 10 वर्ष हे 50 लाखाची रक्कम जमा करा. मग एकही रुपया त्यामध्ये इन्वेस्ट करू नका. पण तुमच्यापैकी अनेक जण असे असतील जे पैसे इन्वेस्ट करणे बंद न करता त्यामध्ये छोटी मोठी रक्कम इन्वेस्ट करतील. तर तुम्हाला 65 व्या पर्यंत वाट बघायची गरज नाही. तुम्ही हा श्रीमंतीचा आकडा लवकर गाठू शकता.

काय Mutual Fund SIP12% रिटर्न देऊ शकते?

भारतीय इक्विटी मार्केटने (म्हणजेच आपण Nifty 50 म्हणू) नेहमीच दीर्घकालीन गुंतवणुकीवर चांगले परतावे दिले आहेत. तुम्ही स्वता बघा गेल्या 25 वर्षात Nifty 50 ने 14.2% चा रिटर्न दिला आहे. म्हणून Mutual Fund SIP च्या माध्यमातून तुम्हाला 12% किंवा त्याहून जास्त रिटर्न मिळवता येऊ शकतो.

तुम्ही Mutual Fund SIP सुरू करण्यासाठी योग्य स्टेप्स

1. उद्दिष्ट निश्चित करा: तुमच्या गरजेनुसार रक्कम ठरवा (उदा. ₹50 लाख).
2. योग्य फंड निवडा: दीर्घकालीन चांगले परतावे देणारे फंड निवडा.
3. लहान गुंतवणुकीने सुरुवात करा: सुरुवातीला परवडेल तेवढे गुंतवा.
4. SIP वाढवा: पगारवाढीनुसार Step-Up SIP करा.
5. शिस्त पाळा: मार्केटमधील चढ-उताराकडे दुर्लक्ष करून नियमित गुंतवणूक करा.

Mutual Fund SIP चे महत्वाचे फायदे

• सिस्टेमॅटिक गुंतवणूक: हळूहळू संपत्ती निर्माण करण्यास मदत करते.
• Rupee Cost Averaging: मार्केट अस्थिरतेचा परिणाम कमी करते. (म्हणजे मार्केट डाऊन झाल तरी इन्वेस्ट करा. मार्केट वर गेल तरी इन्वेस्ट करा)
• लवचिकता: SIP रक्कम बदलण्याचा पर्याय उपलब्ध आहे.
• चक्रवाढ शक्ती: दीर्घकाळात परतावा वाढवते.

आजच Mutual Fund SIP सुरू करा

• लवकर सुरू करा: चक्रवाढ चांगल्या प्रकारे कार्य करते, त्यामुळे आजच Mutual Fund SIP सुरू करा.
• नियमित गुंतवा: रक्कम लहान असली तरी गुंतवणूक सुरू ठेवा.
• Step-Up SIP वापरा: पगार वाढीनुसार SIP रक्कम वाढवा.
• दीर्घकालीन विचार करा: तुमच्या आर्थिक उद्दिष्टांवर लक्ष केंद्रित करा.

निष्कर्ष

तुमच्या श्रीमंत (करोडपती) होण्याचा प्रवास Mutual Fund SIP च्या छोट्या-छोट्या नियमित टप्प्यांपासून सुरू होतो. चक्रवाढीची ताकद आणि शिस्तबद्ध गुंतवणुकीमुळे तुमचे स्वप्न साकार होईल. आज मी तुम्हाला एक प्लान दिला आहे. जर आपण फक्त 10 वर्ष एक ध्येय डोक्यात ठेऊन चालू की कमीत कमी 50 लाख जमा करायचे आहेत. मला माहितीय 50 लाख संगळ्याना शक्य होणार नाही. पण काहीच नसण्यापेक्षा काहीतरी असलेले नेहमीच चांगल. हो ना?

आणि जेव्हा एक ध्येय डोक्यात असत ना तेव्हा आपण सगळेच त्यानुसार पाऊले उचलतो. आता आपल्याकडे ध्येय आहे. म्हणून घर सांभाळणे, लाइफची मज्जा , लग्न, बाहेर फिरणे हे सगळ करत असताना एक ध्येय डोक्यात ठेवा. आणि आजच Mutual Fund SIP सुरू करा आणि तुमच्या भविष्याचा आर्थिक पाया मजबूत करा!

ही पोस्ट वाचा: Mutual Funds मध्ये गुंतवणूक करण्यापूर्वी या 6 गोष्टी माहित असाव्यात!

FAQs

Mutual Fund SIP (Systematic Investment Plan) ही अशी योजना आहे ज्या अंतर्गत तुम्ही ठराविक रक्कम नियमितपणे गुंतवू शकता. यामुळे तुम्ही लहान रकमेने सुरुवात करून हळूहळू मोठी संपत्ती निर्माण करू शकता.

Step-Up SIP मध्ये तुम्ही सुरुवातीला कमी रक्कम गुंतवून नंतर ती वाढवू शकता. हा पर्याय तुमच्या पगार वाढीनुसार रक्कम वाढवण्यासाठी उपयुक्त ठरतो. यामुळे तुमच्यावर आर्थिक ताण न येता तुमची गुंतवणूक वाढत जाते.

भारतीय इक्विटी मार्केट, विशेषतः Nifty 50, ने मागील 25 वर्षांत सरासरी 14.2% रिटर्न दिला आहे. Mutual Fund SIP च्या मदतीने योग्य फंड निवडून तुम्ही 12% किंवा त्याहून अधिक परतावा मिळवू शकता.