Small Cap Mutual Fund in Marathi | स्टॉक मार्केटमध्ये, प्रत्येक कंपनीचे मार्केट कॅपिटलायझेशन (बाजारभाव) असते. टॉप 250 कंपन्यांखालील लहान कंपन्यांमध्ये गुंतवणूक करणाऱ्या फंड्सना “स्मॉल-कॅप फंड” म्हणतात.
या फंड्समध्ये गुंतवणूक करणे थोडे जोखमीचे असते, कारण लहान कंपन्यांचे भाव चढ-उतार अधिक असतात.
पण, दीर्घकाळात (७-१० वर्षे) हे फंड उच्च परतावा देऊ शकतात.
उदाहरणार्थ, काही कंपन्यांचे भाव अल्पावधीत दुप्पट-तिप्पट होऊ शकतात. मात्र, यासाठी धैर्य आणि जोखीम सहन करण्याची तयारी हवी.
गुंतवणूक करण्यापूर्वी कोणते घटक विचारात घ्यावेत?
1) जोखीम सहनक्षमता: स्मॉल-कॅप फंड्समध्ये उच्च जोखीम असते. म्हणून, आपण किती जोखीम घेऊ शकता, हे ठरवा.
2) गुंतवणुकीचे उद्दिष्ट: बालशिक्षण, घर खरेदी, निवृत्तीसारख्या दीर्घकालीन उद्दिष्टांसाठी या फंड्स योग्य.
3) एक्सपेन्स रेशिओ: प्रत्येक फंडचा व्यवस्थापन शुल्क (एक्सपेन्स रेशिओ) असतो. SEBI नुसार हे शुल्क २.५% पेक्षा जास्त असू शकत नाही. कमी शुल्क आणि चांगला परतावा देणाऱ्या फंड्स निवडा.
4) करव्यवस्था: १ वर्षापेक्षा कमी काळात फंड विकल्यास, मिळालेला नफा (STCG) वर १५% कर आकारला जातो. १ वर्षांपेक्षा जास्त काळ ठेवल्यास, १ लाखापेक्षा जास्त नफ्यावर (LTCG) १०% कर लागतो.
स्मॉल-कॅप फंड्स कोणासाठी योग्य?
- जोखीम सहन करू शकणारे गुंतवणूकदार: चढ-उतारांना घाबरणारे नाहीत.
- दीर्घकालीन गुंतवणूकदार: ७-१० वर्षे गुंतवणूक ठेवू इच्छितात.
- पोर्टफोलिओ डायव्हर्सिफाई करणारे: लार्ज-कॅप आणि मिड-कॅपसोबत स्मॉल-कॅपची थोडी रक्कम जोडून संतुलित पोर्टफोलिओ तयार करू इच्छितात.
टॉप स्मॉल-कॅप फंड्स (फेब्रुवारी २०२५ पर्यंतचे डेटा)
| फंडचे नाव | ३ वर्षातला परतावा | ५ वर्षातला परतावा |
|---|---|---|
| क्वांट स्मॉल-कॅप फंड | २२.१६% | ४०.०१% |
| निप्पॉन इंडिया स्मॉल-कॅप फंड | २३.७५% | ३०.४१% |
| बँक ऑफ इंडिया स्मॉल-कॅप फंड | २०.०४% | ३०.३४% |
स्मॉल-कॅप फंड्सचे फायदे
1) वाढीची संधी: लहान कंपन्यांना वाढण्यासाठी मोठा वाव असतो. यशस्वी झाल्यास, गुंतवणुकीवर मोठा नफा मिळू शकतो.
2) विविधीकरण: विविध सेक्टरमधील लहान कंपन्यांमध्ये गुंतवणूक करून पोर्टफोलिओचा जोखीम कमी होतो.
3) संस्थात्मक गुंतवणुकीचा अभाव: मोठ्या गुंतवणूकदारांकडून दुर्लक्षित असलेल्या या कंपन्या स्वस्तात मिळतात, त्यामुळे भविष्यात भाववाढीची शक्यता असते.
स्मॉल-कॅप फंड्स गुंतवणूक कशी कराल?
ऑनलाइन ऍप्स (सर्वात सोपी पद्धत):
- Groww, Zerodha Coin, किंवा Asset Plus सारख्या ऍप्सवरून फक्त काही क्लिकमध्ये गुंतवणूक करता येते.
- प्रक्रिया: ऍप डाउनलोड → साइन अप → KYC पूर्ण → फंड निवडा → इन्वेस्ट!
तुमची बँक (पारंपरिक पद्धत):
- बहुतेक बँका म्युच्युअल फंड कंपन्यांसोबत जोडल्या आहेत. बँकेत जाऊन किंवा त्यांच्या नेट बँकिंगद्वारे गुंतवू शकता.
- फायदा: विश्वासार्ह, पण प्रक्रियेत थोडा वेळ लागू शकतो.
म्युच्युअल फंड सल्लागार (मार्गदर्शनासाठी):
- फंड निवडताना गोंधळ वाटत असेल, तर रजिस्टर्ड सल्लागारांची मदत घ्या.
- लक्षात ठेवा: सल्लागार निवडताना त्यांचा अनुभव आणि SEBI रजिस्ट्रेशन तपासा.
- तुम्ही मला संपर्क करू शकता जर सल्लागार हवा असेल.
थेट म्यूचुअल फंड कंपनीकडून (डायरेक्ट प्लॅटफॉर्म):
- HDFC MF, SBI MF, ICICI MF सारख्या कंपन्यांच्या स्वतःच्या ऍप्स किंवा वेबसाइटवरून गुंतवणूक करा.
- प्रॉब्लेम हाच आहे की जितके वेगळे फंडस निवडाल तेवढे यूजर आयडी आणि पासवर्ड ठवावे लागतील.
गुंतवणूक कोणत्याही मार्गाने करत असाल, KYC (Know Your Customer) प्रक्रिया पूर्ण करणे अनिवार्य आहे. ही प्रक्रिया एकदाच करावी लागते, त्यानंतर सर्व फंड्समध्ये इन्वेस्ट करू शकता.
निष्कर्ष
स्मॉल-कॅप फंड्स उच्च जोखीम-उच्च परताव्याचे साधन आहेत.
दीर्घकाळात धैर्याने गुंतवणूक केल्यास, हे फंड आपल्या पोर्टफोलिओला चांगला बूस्ट देऊ शकतात.
मात्र, आपल्या गुंतवणूक धोरणासाठी फायनान्शियल प्लॅनरशी सल्लामसलत करणे नक्कीच उपयुक्त ठरेल.
पोस्ट वाचा: Mid Cap Mutual Fund | मिड कॅप म्युच्युअल फंड्स म्हणजे काय?
पोस्ट वाचा: Large Cap Mutual Fund | लार्ज कॅप म्युच्युअल फंड म्हणजे काय? सोप्या शब्दात समजून घ्या!
पोस्ट वाचा: Mutual Fund SIP | मोठ्या रिटर्नपेक्षा मोठ नुकसान टाळणे का गरजेच आहे?
