काही दिवसांपूर्वी मी इंस्टाग्राम स्टोरीवर एक पोर्टफोलिओ शेअर केला होता, ज्यामध्ये 11 फंड्स होते. त्यापैकी 8 फंड्स फक्त ELSS (Equity Linked Saving Scheme) प्रकारातील होते. एवढे ELSS फंड्स का निवडले गेले, हे प्रश्न अनेकांनी विचारले. या अनुभवातून मी काय शिकलो आणि तुम्ही काय शिकायला हवे, यावर आज चर्चा करूया.
क्लायंटची माहिती थोडक्यात
ज्यांचा पोर्टफोलिओ मी शेअर केला होता, त्यांचे वय 74 वर्षे आहे. त्यांनी इतके ELSS फंड्स का घेतले, याचे कारण म्हणजे त्यांची गुंतवणूक पद्धत. अनेक वेळा आपले बँक अकाऊंट वेगवेगळ्या बँकांमध्ये असतात, आणि त्या बँका विशिष्ट म्युच्युअल फंड कंपन्यांसोबत Tie up असतात. जाधव सरांनी गेल्या 10-12 वर्षांत त्यांनी वेगवेगळ्या बँकांमधून फंड्स घेतले. परिणामी, एकूण 11 फंड्स तयार झाले. (खर तर त्याहून जास्त फंडस होते पण त्यांनी गेल्या वर्षी काही फंडस विकले जे त्यांना माहीत होते.)
- Axis ELSS Tax Saver Fund
- Canara Robeco ELSS Tax Saver Fund
- Franklin Asian Equity Fund
- ICICI Prudential ELSS Tax Saver Fund
- Kotak ELSS Tax Save Fund – IDCW Plan
- Mahindra Manulife ELSS Tax Saver Fund
- SBI Equity Hybrid Fund
- Sundaram Diversified Equity (ELSS – IDCW)
- Sundaram Money Fund (खर बोलू तर या फंडची अजिबात गरज न्हवती)
- TATA ELSS Tax Save Fund
- UTI ELSS Tax Saver Fund
पोर्टफोलिओ व्यवस्थापनासाठी मी केलेली मदत
जेव्हा मी त्यांच्या घरी पोहोचलो, त्यांनी मला जुने कागदपत्र आणि डायरी दाखवली, जिथे त्यांनी फोलिओ नंबर लिहून ठेवले होते. आम्ही CAMS वेबसाइट आणि Asset Plus ऍपचा वापर करून त्यांच्या पॅन नंबरखालील सर्व फंड्स शोधून काढले. यातून त्यांच्या पोर्टफोलिओमध्ये 11 फंड्स असल्याचे स्पष्ट झाले, जे आधी मला फक्त 8 वाटत होते.
या अनुभवातून शिकण्यासारखे धडे
फंड्सची निवड जाणीवपूर्वक करा: कोणत्याही म्युच्युअल फंडमध्ये गुंतवणूक करण्यापूर्वी त्याची कॅटेगरी, तुमच्या गरजा, आणि फिनान्शिअल गोल समजून घ्या. फक्त बँकेच्या सल्ल्याने निर्णय घेऊ नका.
सल्लागाराची मदत घ्या: जर तुम्हाला फंड निवडण्यात अडचण येत असेल, तर AMFI नोंदणीकृत सल्लागाराची मदत घ्या. सल्लागार योग्य फंड्स निवडून तुमचा पोर्टफोलिओ मॅनेज करू शकतो.
पोर्टफोलिओ व्यवस्थापनावर लक्ष ठेवा: वेळोवेळी पोर्टफोलिओ तपासा, पण सतत ट्रॅक करणे टाळा. लॉंग-टर्म इन्व्हेस्टमेंटसाठी संयम महत्त्वाचा आहे.
योग्य फंड निवडीचे महत्त्व
जर जाधव सरांनी फक्त 8 ELSS फंड्सऐवजी विविध कॅटेगरीचे फंड्स निवडले असते, तर त्यांचे रिटर्न्स आणखी चांगले असते. आणि कस आहे आहे ना. एकदा वेळ गेली की गेली. चुकीच फंड निवडून जर अनेक वर्षे वाया गेली की ती पुन्हा येत नाहीत. म्हणून म्युच्युअल फंड्स निवडताना विविधता (Diversification) ठेवा.
लाँग-टर्म इन्व्हेस्टर्ससाठी सल्ला
मला एक गोष्ट तर समजली की जे लोक गुंतवणूक करून विसरून जातात, त्यांना चांगला रिटर्न मिळतो. मी अस सांगत नाही की म्यूचुअल फंडमध्ये पैसे गुंतवा आणि विसरून जा. विसरून जा म्हणजे सतत चेक करत बसू नका. 15-20 वर्षे जर आपण बोलतो की मी पैसे इन्वेस्ट करेन. मग दररोज चेक करून उपयोग काय. तुमच्या गुंतवणुकीचा हेतू समजून घ्या. SIP करा किंवा एकरकमी गुंतवणूक करा, पण संयम ठेवा.
निष्कर्ष
म्युच्युअल फंड गुंतवणूक ही फक्त एकदा चांगले फंड निवडण्यावर नाही तर ती कशा पद्धतीने व्यवस्थापित केली जाते यावरही अवलंबून असते. त्यामुळे, चांगले फंड निवडा, हव तर योग्य सल्लागाराची मदत घ्या आणि लॉन्ग टर्म विचार करून गुंतवणूक करा. हीच यशाची गुरुकिल्ली आहे.
ही पोस्ट वाचा: मी 2 सेक्टर फंडस घेतले आहेत? बरोबर आहे का?
तुमच्यासाठी योग्य म्युच्युअल फंड सल्लागार हवा आहे का?
तुमच्यापैकी अनेक जण स्वतःचा पोर्टफोलिओ स्वतः मॅनेज करत असाल, पण जर तुम्हाला तुमचा पोर्टफोलिओ व्यवस्थित डिझाईन आणि मॅनेज करण्यासाठी एक म्यूचुअल फंड सल्लागार हवा असेल, तर तुम्ही माझ्याशी संपर्क करू शकता.
मी गेल्या 4 वर्षांपासून इंस्टाग्राम पेजच्या माध्यमातून म्युच्युअल फंडसंबंधी नॉलेज आणि प्रॅक्टिकल टिप्स शेअर करत आहे. आता वैयक्तिक सल्ला देऊन तुमचं आर्थिक भविष्य अधिक चांगलं बनवण्यासाठी नक्कीच हेल्प करेन.
तुम्हाला मिळणारे फायदे:
- तुमच्या गरजेनुसार पोर्टफोलिओ डिझाईन: तुमच्या फिनान्शिअल गोल्स आणि रिस्क प्रोफाइलनुसार योग्य फंड निवडून देतो.
- ट्रॅकिंग आणि रिव्ह्यू: पोर्टफोलिओ सतत अपडेट राहील याची काळजी घेतो.
- वेळ आणि ऊर्जा वाचवा: गुंतवणुकीसाठी योग्य सल्ला मिळाल्यामुळे तुम्हाला वेळेवर निर्णय घेता येईल.
- लॉंग टर्म फायद्याचा दृष्टिकोन: तुमच्या गुंतवणुकीवर चांगले रिटर्न्स मिळण्यासाठी योग्य मार्गदर्शन.
तुमचा आर्थिक प्रवास सुकर आणि यशस्वी बनवण्यासाठी माझ्याशी Whats App वर संपर्क साधा!
