SEBI sets 30-day deadline for NFO fund deployment | Securities and Exchange Board of India (Sebi) ने जाहीर केलं आहे की, एप्रिल 1, 2025 पासून म्युच्युअल फंड स्कीममध्ये गोळा केलेले पैसे 30 बिझनेस दिवसांत योग्य ठिकाणी गुंतवणे बंधनकारक होईल. हा निर्णय अॅसेट मॅनेजमेंट कंपन्या (AMCs) साठी लागू असेल.
NFO म्हणजे काय?
न्यू फंड ऑफर (NFO) ही एक नवीन म्युच्युअल फंड स्कीम असते, जिथे AMC गुंतवणूकदारांकडून पैसे गोळा करते आणि त्यांना योग्य ठिकाणी (शेअर मार्केट, बॉन्ड्स, इ.) गुंतवते. ही स्कीम सुरू करताना, गुंतवणूकदारांना युनिट्स खरेदी करण्याची संधी दिली जाते.
NFO मध्ये पैसे वापरण्याची वेळ
न्यू फंड ऑफर (NFO) दरम्यान गोळा केलेले पैसे, Scheme Information Document (SID) मध्ये दर्शविलेल्या Asset Alocation प्रमाणे 30 बिझनेस दिवसांत गुंतवले जाणे आवश्यक आहे.
AMC ने NFO च्या वेळी हे टाइमलाइन स्पष्टपणे सांगणे बंधनकारक आहे. जर पैसे वेळेत गुंतवले नाहीत, तर Investment Committee समोर कारणे (लिखित स्वरूपात) सादर करावी लागतील.
अपवादात्मक परिस्थितीत विस्तार
जर AMC ला 30 दिवसात पैसे गुंतवणे शक्य नसेल, तर Investment Committee हा कालावधी आणखी 30 बिझनेस दिवस वाढवू शकते.
कमिटीने भविष्यात पैसे वेळेत गुंतवण्यासाठी सूचना देणे आणि प्रगतीचे निरीक्षण करणे अनिवार्य आहे.
हा निर्णय गुंतवणूकदारांचे रक्षण करण्यासाठी आणि म्युच्युअल फंड इंडस्ट्रीमध्ये पारदर्शकता वाढविण्यासाठी घेण्यात आला आहे.
पोस्ट वाचा: Parag Parikh Flexi Cap Fund | पराग पारिख फ्लेक्सी कॅप फंड रिव्यू २०२५ मराठीमध्ये!
